تروح الدوام في رمضان وانت مالك خلق، خمول رهيب، تعب من لاشيء! الشوارع زحمة بزيادة في بداية الدوام و نهايته، الناس اخلاقهم قافلة، الحوادث تكثر، محلات التموينات الغذائية زحمة من بعد صلاة الظهر إلى قبل المغرب بشوي ، تقول ان الناس مقبلة على مجاعة! هذا كله في النهار، في الليل تلاقي الشوارع زحمة من بعد صلاة العشاء إلى الساعة ثنتين او ثلاث، ونصف العالم متسمرة قدام التلفزيونات متشتته بين الفضائيات ماتدري اي برنامج و اي مسلسل تتابع، من كثرها ، وعلى كثرة البرامج كلها بدون فايدة إلا ما ندر.
طيب ليش إحنا كذا؟ ليش تحول شهر الصوم والعبادة إلى شهر النوم والكسل؟ ليش يتغير الدوام في رمضان؟ ليش تنقلب حياة الناس عندنا رأساً على عقب؟ ليش مانكون طبيعيين؟ كلنا نصوم في غير رمضان ولايصير الشيء هذا! حياتنا تصير طبيعية مع غياب الاكل والشرب في النهار، نداوم بشكل طبيعي بدون خمول وقرف، صحيح فيه تعب بس مو مثل مايصير في رمضان.
شي عجيب!
