Archive for the ‘ايام زمان’ Category

عندما طار الجراد.

سبتمبر 30, 2007

الزمان: بين 1983 – 1985

المكان: امام بوابة مستشفى الشميسي بالرياض

كانت الجدران المحيطة ببوابة المستشفى مليئة بالجراد بشكل كبير، لأول مرة منذ ولادتي منذ خمس سنوات تقريباً ارى هذا العدد الكبير من الجراد، كانت امي تمسك بيدي كي لا اركض إلى الشارع كالعادة، كنا وقتها ننتظر ابي. التفت إلى الجدار اتأمل هذا الكم الهائل من الجراد، سألت امي، وش ذا يمه؟

 قالت: هذا جراد ، 

قلت:  يؤؤؤؤ يكثرة ، اقدر آخذ واحد للبيت؟

قالت: انت وشطارتك اذا قدرت تمسك لك وحده خذها للبيت،

قلت: طيب وين احطه؟ ابغى قفص زي اللي عند ولد جيرانا الكبير عشان احطه فيه، ابعلمه كيف يتكلم زي عصفور الجيران الاخضر

قالت:  طيب انت صيد لك وحده ويصير خير وانا امك.

انطلقت خلفاً نحو الجدار، واخذت اقفز هنا وهناك ، نجحت في إصطياد اول جرادة ، وضعتها في جيبي، انطلقت مرة اخرى واصطدت اثنين آخرين ووضعتها مع الاول في جيبي، نادتني امي وهي تركب مع ابي في جمس الصحن  الاحمر، ركضت وقفزت في الصندوق، ضرب ابي الزجاج الخلفي يأمرني بالركوب في الغمارة،

سألتني امي: هاه صدت الجرادة؟

صدت ثلاث يمه،

قالت: وشوله؟ وشبتسويبهن؟

قلت: واحد لي اعلمه الكلام، وواحد لاختي نورة، وواحد لولد جيرانا الصغير عشان يقهر اخوه الكبير،

وصلنا للبيت ، نزلت بسرعة ودخلت البيت ، ناديت اختي : نوره ،، نوره تعالي شوفي وش جبت، جاءت نورة وسألت: وشو؟ قلت جبت جرادات كثييير ،، ادخلت يدي في جيبي ، بحثت وبحثت ، ثم بكيت ، طار الجراد.

Advertisements